Lirik Lagu Minang: Maaflah Dibarikan - Yen Rustam
Lah limo tahun kito manjalin cinto
Kini ka ungkai ulah musibah
Daripado isuak uda sansaro
Eloklah kini kito bapisah
Lah denai paga hati jo iman taguah
Nan jan nyo laruik dek ulah kasiah
Lah denai buang uda jauah-jauah
Walau dihati taraso padiah
Bak cando picalang nan patah kamudi
Manolah mungkin lauik di ranangi
Kalaulah sajo di hampeh galombang
Mangko den takuik yo da manyubarang
Jikok ado gadih nan ka uda pinang
Den anta uda yo ka palaminan
Tinggakanlah denai usah uda gamang
Rila jo maaf lah denai barikan
Bialah wakatu nan manjawek tanyo
Manga kok cinto sampai balapehkan
Jikok jadi kito barumah tanggo
Ibo jo uda ka manangguangkan
Lirik Lagu Minang: Maaflah Dibarikan - Yen Rustam
