Lirik Lagu Minang: Balada Anak SMA - Young Patapayan
Lah tamaik buyuang sekolah
Lah manarimo Ijazah
Disangko lah cukuik ilmu
Ditutuik pena jo buku
Didanga kaba dikota
Disinan sagalo lao
Bamodal ijazah SMA
Karajo pun dicari
Di kadai sawah nan jo ladang untuang
Maka kai pai bajalan sibuyuang ka parantauan
Payah dicari karajo dikota
Banyak pangangguran sarjana konon pulo anak SMA
Malamar karajo kantua lowongan katonyo panuah
Karajo syaratnyo tinggi paling kurang ado koneksi
Ijazah batundak-tundak lamaranlah kanai tulak
Badan kini lah bangkak karajo alun juo nampak
Tadanga bunyi yo saluang
Sibuyuang takana kampuang
Marasai diparantauan
Oi buyuang lakehlah pulang
Dikampuang sadang paguno
Elok bangun nagari kito
Marapi Singgalang sadonyo
Manantikan buyuang tibo
Dikadai sawah nan jo ladang untuang
Mako ka pai si buyuang ka parantauan
Payah dicari karajo dikota
Banyak pangangguran sarjana konon pulo anak SMA
Badanlah dijilek hari hujan paneh yo dijalani
Manyeredeng kian kamari karajo alun juo pasti
Sipatu alah mangango saroman muncuang buayo
Dicaro kamano-mano karajo alun juo ado
Lirik Lagu Minang: Balada Anak SMA - Young Patapayan
