Lirik Lagu Minang: Cupak Ambiak Lado - Elly Kasim
Uranglah Cupak mak …, maambiak lado
Lado nan tumbuah, yo lah di lereang, yo pandakian **
Bialah indak mak …, dari samulo
Lah siso musang, ondeh kanduang ei, nan den nantikan **
Sinayan Jumahaik ndeh tuan pakannyo Sungai Garinggiang
Nan di alang hari lah tuan kiniko lah rami pulo
Asa lai baniaik ndeh tuan lai suko tuan mambimbiang
Jo tangan nan kida ndeh tuan kajadi, kajadi juo
Dari lah Solok mak …, ka Guguak Sarai
Yo Gunuang Talang, ondeh kanduang ei, puncaknyo tinggi **
Bia sahari mak …, asa lai sampai
Paubek malu, ondeh kanduang ei, jo urang rami **
Jikok lah mandapek, ndeh tuan mandapek, si buruang bondo
Nan si buruang pipik di tangan usahlah tuan lapehkan
Kok kasiahnyo tuan ka denai bak urang mangganggam baro
Taraso ka angek ndeh tuan baguluik nak mancampakkan
Solok Salayo mak …, o cawan pinggan
Rang Parambahan, ondeh kanduang ei, batanam padi **
Harok dek cayo mak …, o tarang bulan
Lampu di tangan, ondeh kanduang ei, nan den padami **
Rumah nan bagonjong ndeh tuan talatak di Pariangan
Disinan bamulo ndeh tuan asanyo adaik limbago
Tadorong bakasiah oi sayang tadorong ka bakeh tuan
Tolonglah pulangkan ndeh tuan pulangkan gak sapaduo
Lirik Lagu Minang: Cupak Ambiak Lado - Elly Kasim
